على بركة الله نبدأ أول دروس أوراكل ديفيلوبر :
------------------------------------
وهى عبارة عن طريقة تنزيل وتحميل الادوات اللى هنشتغل بيها من موقع اوراكل
------------------------------------
مقدمة سريعة :
فى البداية أنا عملت قناة على تليجرام علشان ألم فيها كل الماتريال والفيديوهات اللى هتنزل على مدار الكورس وده الرابط بتاعها
t.me/learn_oracle_developer
والقناة دى عامة أى حد هيبحث عليها على التليجرام يدخل على اللينك ده أو يكتب فى ال
search ( learn oracle developer )
وهتظهر له على طول اعمل انضمام ليها وهتلاقى كل الماتريال واللينكات بتاع الفديوهات عليها.
ودى صفحة على الفيس هنزل عليها كل الماتريال والفديوهات اللى هنزلها هنا
https://www.facebook.com/pg/Learn-Oracle-115319410209806
ودى مدونة هنزل عليها كل الشرح والماتريال والفديوهات اللى هنزلها
http://learnoracldeveloper.blogspot.com/
طبعا كل الحاجات دى تحت الانشاء يعنى الدروس اللى هتنزل هتتنشر فى المواقع والصفحات والجروبات دى أول بأول إن شاء الله
--------------------------------------
أولا:
بص انت هتستفيد بايه من الكورس ده دى حاجه هتختلف من واحد للتانى فى واحد ممكن يكون حابب للمعرفة وواحد تانى ممكن يكون بداية ليه ومدخل يبدأ منه المجال ده وواحد تانى شايف ان السوق شغال باوراكل او ساب فحابب يتعرف يعنى ايه اوراكل ويعنى ايه ساب وايه فكرتهم وبيشتغلوا ازاى وهكذا كل واحد ليه تصور خاص بيه فمقدرش اققولك خد الكورس ده واشتغل بيه لا انت اللى تقول انا هتعلم الكورس ده واعمل بيه ايه بس كده
ثانيا:
الكورس ده مش Financial الكورس ده Developer يعنى اتعلم منه ازاى اصمم برنامج او اتعلم منه البرامج اللى انا شغال عليها اتصممت ازاى وبعد كده انت هتطبق الشغل ال Financial عليه بما إنك محاسب
------------------------------------
قبل منبدأ فى أى حاجه لازم نسطب الادوات اللى هنشتغل بيها على الجهاز وغالبا هتكون الادوات دى أو البرامج دى من على الموقع الرسمى لاوراكل وعشان تنزل أى برنامج من على موقع أوراكل لازم تكون مشترك عليه
ودى هتبقى الخطوه الاولى معانا اننا نعمل حساب على موقع أوراكل
وده رابط الموقع
https://www.oracle.com/eg-ar/index.html
وده رابط التسجيل فى الموقع
https://profile.oracle.com/myprofile/account/create-account.jspx
ملحوظة عند كتابتك للباسورد هتكتبه حروف كبيرة وصغيره وارقام
ثانيا :
البرامج اللى هنشتغل عليها
ودى هيبقى فيها اختلاف شوية الداتا بيز اللى هتشتغل عليها فى منها اصدارات كتيره واوراكل عامله حاجه بتعرفك البرامج المتوافقه مع بعضها ايه وانا عن نفسى بشوف اللى يمشى مع امكانيات الجهاز بتاعى واشتغل بيه
وعلى فكره مهما اختلفت الاصدارات الشغل عليها واحد بس اللى بيختلف هو تصميم واجهة البرنامج والشكل بتاعها بس ولو فى اضافات جديدة زيادة عليها للتسهيل والتطوير فقط
وده لينك صفحة التحميلات اللى عليها كل البرامج على موقع اوراكل
https://www.oracle.com/eg-ar/downloads/
ملحوظة وانت بتحمل اى حاجه من الموقع لازم تعمل موافق او اكسيبت على شروط الموقع ودى بلاقيها فى اول الصفحه عند التحميل لاى برنامج
فمبدأيا كده هنحاول نشتغل باللاصدارات اللى هنشرح بيها فى الفديوهات وهى
1- Oracle Database 11g Release 2
ده اسم الداتا بيز او قاعدة البيانات اللى هتشتغل عليها او القماشة بتاعتك بمعنى اصح
ملحوطة : هتحمل على حسب اصدار الويندوز عندك سواء 32 او 64 بايت ودى بتعرفها عن طريق انك تعمل كليك يمين على ماى كمبيوتر وتختار بروبيرتز هتلاقى كلمة اسمها (سيستم تايب) مكتوب قدامها 32 او 64
--------------------------------------
2- Oracle forms and reports
ودى الادوات اللى هتصمم بيها الشاشات بتاعتك جوه البرنامج والتقارير
ودى عن تجربه عشان تحاول تربط بين قاعدة البيانات والبرنامج اللى هتصمم بيه التقارير والشاشات استخدم الاصدار القديم من البرنامج اللى هتصمم بيه الشاشات والتقارير
Oracle forms&reports 6i
وده مش هتلاقيه على موقع اوراكل بس انا هنزلك الرابط بتاعه
بصراحه دى مشكلة بتقابل ناس كتير ازاى اربط بين قاعدة البيانات والبرنامج اللى بصمم بيه الشاشات والتقارير
ودى هنعرف حلها ازاى بعد شوية
وده رابط البرنامج على ميديا فاير متقسم على 3 اجزاء
الجزء الاول
http://www.mediafire.com/file/hwc1rhyquo0s92v/DEV6.part1.rar/file
الجزء الثانى
http://www.mediafire.com/file/0bcclb4pqjw7ta1/DEV6.part2.rar/file
الجزء الثالث
http://www.mediafire.com/file/7x72blrifr88rai/DEV6.part3.rar/file
---------------------------------------
3- Sql developer 19.1
وده البرنامج اللى بخاطب بيه الداتا بيز او قاعدة البيانات يعنى اى عملية عايز اعملها على قاعدة البيانات بعملها من خلال البرنامج ده مثلا عايز انشأ او اعدل او اضيف او احذف او استعلم عن اى حاجه فى الداتا بيز بتبقى من خلاله
وده اللينك بتاعه على موقع اوراكل
https://www.oracle.com/technetwork/developer-tools/sql-developer/downloads/index.html
--------------------------------------
وبكده انا نزلت كل الادوات اللى هشتغل بيها
بكره ان شاء الله هنعرف ازاى نعمل سيت اب للبرامج دى ونثبتها على الجهاز وطريقة ربط الثلاث برامج ببعض الداتا بيز او قاعدة البيانات بالسكول ديفيلوبر و الفورمز و الريبورتز بيلدر
